تشجيع للبنات يدربو كونغ فو-- بنات مسلمات في التدريب

بنات مسلمات هنديات يرتدين الحجاب ويتدربو على الكونغ فوطالبات مسلمات من مدرسة معاز الثانوية العليا يتدربن علي

فنون الووشو القتالية التقليدية الصينية داخل مجمع المدرسة في مدينة حيدر آباد بجنوب الهند في 8 يوليو 2008. وتشارك

البنات اللاتي تتراوح أعمارهن من 10 الى 16 سنة في دورات أسبوعية خلال الفترة الدراسية والي يستطعن من خلال

الدور تعلم اصول الدفاع عن النفاس.

يارب الموضوع يكون عجبكم وهو موضوع خفيف

ولكن مهم لكل بنت انه الزمن ده عاوز اللي تعرف تدافع عن نفسها مش تنتظر حكومه غافله تدافع عنها

وكمان يؤكد اختلاف رأي اللي بيقولو ان الرياضه القتاليه للبنت حرام وعيب للبنت انها تمارسهاوعلى ذكر الموضوع ده ....

انا زرت من اسبوع بني مزار في محافظة المنيافيه هناك ضريح اسمه السبع بنات

مدفون فيه فتيات مسلمات يقال ان عددهم اما 7 او 70 فتاههؤلاء الفتيات استشهدو وهم يقاتلو الروم اثناء الفتح الاسلامي وكانو يقومون

بأشجع المعارك ولم يعرف انهم فتيات الا بعد استشهادهم حيث ازالو اللثام عن وجههم فجدوهم فتيات ..وهذا يؤكد الايه القرانيه العظيمه

(( وأعدو لهم ما استطعتم من قوة ومن رباط الخيل ترهبون به عدو الله وعدوكم )) صدق الله العظيم

وبالتالي كان التعلم فرض على كل مسلم ومسلمه دفاعا عن شرع الله وعن النفس..يارب تكون المعلومات دي مفيده لكل بنت ..
فعلا الموضوع ده محتاج تغيير ثوري في العقول

يعني الاهل يوافقو ان البنت تلبس تقاليع الملابس وتحط احدث انواع الميكب وتلبس افجر ( وليس أفخر )انواع البوديهات

لكن يطلعو مليون حجه لما تشوف رغبة البنت انها تمارس فن قتالي وتلاقي الامهات تطلعلك حجج ماشفتش زيهادي

بتخشن البنت وتخليها مسترجله .دي ممكن تخلي البنت مش بنت لان فيها فتح حوض .دي بتخلي البنت مش حتتجوز لأن

يطلعلها عضلات .دي بتضيع وقتها دي وراها مذاكره .دي عيب تمارس رياضه او حرام تمارسها لانها بنت .حجج

اغرب من الخيال طيب ماتشوفي بنتك لو اتعرضت لخطر الاغتصاب او السرقه او التحرش على اسهل الامور هل كل

حججكم دي حتنفعها

من حوالي 11 سنه بنت اتعرضت للمعاكسه والتحرش امام نادي الجزيره من 3 شباب ولما

الموضوع زاد وصل للخطف الـ 3 شباب اكلو علقه محترمه وجريو عارفه ليه ؟؟؟البنت اتضح انها بتلعب الكونغ فو

وعرفت تضرب الشباب دول ودافعت عن نفسها صح.هل في اعتبارنا تدافع عن نفسها وتكون قويه ولا تتخطف عشان

تفضل في نظرهم بنت ؟عقول خايبه وفكر معوق متخلف انا عن نفسي لو ربنا رزقني ببنت حخليها تمارس الكونغ فو

وطز في اي اعتراض المهم عندي بنتي تعرف تكون قويه في مجتمع لا يحترم ضعف البنت ويستغل ذلك ضدهاطالما بنتي

محجبه ومحترمه يبقه الكونغ فو حيكمل قوتها وعزتها بدينها واخلاقها وحيزيد احترام المجتمع لها.الكونغ فو والفنون

القتاليه مين اللي قال انها بتخلي البنت معضله ولا خشنه

تكوين البنت فسيولوجيا واحد مع الولد نفس العضلات نفس

الانسجه نفس العظام ماعدا الاعضاء الذكوريه اوالهرمونات

بعدين تعالو انظروااللي اخترع الوينج تشون مخترعته امرأه فنون الكونغ فو فيه ممارسين كثييير جدا منها بنات وشوفو الصينيات ازاي



مفيش اي اختلاف بين البنت اللي بتمارس الفنون القتاليه وغيرها بل يمكن بالعكس تتميز عن البنت العاديه انها رياضيه ورشيقه بدون كرش

او سمنه او ترهل فهل يحب كل ولي امر ان يكون موقف بنته كده

ولا تحبو تكونو كده